2017 жылдың 9-наурызында «ЕХРО-2017» халықаралық көрмесі аясында «Бейбітшілік және Келісім Сарайының» Экскурсия бөлімінің қызметкерлерінің жұмыс сапасын арттыру мақсатында педагог-психолог Айгүл Айдарханқызы «Сөйлеу мәдениеті» тақырыбында тренинг өткізді.
Тренинг барысында дұрыс тыныс алу жолдары, сөйлеу мәдениеті, дауыс қоюға бағытталған жаттығулар ұйымдастырылды. Сондай-ақ тәжірибелік машықтармен қатар, әр қатысушының психологиялық жағдайы салған суреттері арқылы бағаланды. Болашақта осындай шараның Сарай қабырғасында өткізілуі экскурсия жүргізушілерінің қызмет деңгейін арттырып, әлеуметтік ортадағы өз орнын табуға септігін тигізері анық.