2017 жылы 15 мамыр күні «Бейбітшілік және Келісім Сарайының» баспасөз орталығында Терроризмге қарсы оқыту жұмыстары жүргізілді. Шараны мәдени ошақ бас директоры Әділ Сейілханұлы, «NS service-Astana» ЖШС қызметкерлері ұйымдастырды. Оқыту жұмыстарына Сарай қызметкерлерімен қатар, ғимаратта орналасқан ұйымдардың қызметкерлері қатысты. Түсіндіру шараларын «NS service-Astana» ЖШС бас директоры Нариман Асқарұлы жәнеде орталықтың басқа да сарапшылары жүргізді. Оқу дәрісі аясында бүгінгі терроризмнің ерекшелігі, террорлық әрекетті жоспарлау, нақты операцияларды дайындау мен жүргізу мәселелері талқыланды. Іс-шара соңында қатысушылар назарына бейнефильм ұсынылды.